ئەمڕۆ شەممە 9/12/2023 یەکێتی تۆپی پێی کوردستان کۆبوونەوەی ئاسایی خۆی ئەنجامدا و پێدەچێت سزای چەند یاریزانێکیش سوکتر بکات.
بە ئامادەبوونی سەرۆک و جێگر و سەرجەم ئەندامانی، یەکێتی تۆپی پێی کوردستان کۆبوونەوەی ئاسایی خۆی ئەنجامدا و بڕیاریدا لێژنەیەکی ڤیدیۆی دروست بکات بۆ دووبارە پێدا چوونەوە بە بڕیارەکانی ناوبژیوانان لە خولەکانی کوردستان بۆ ئەوەی کەمترین هەڵە لە یارییەکاندا ڕووبدات، هەروەها یەکێتیەکە بانگهێشتی هەریەک لە یاریزانان محەمەد دکانۆ یاریزانی یانەی ڕانیە و سەگر ئەحمەد یاریزانی یانەی سۆران دەکات کە پێشووتر بە هۆی دەرچوون لە گیانی وەرزشی تاکۆتایی ئەم وەرزە سڕ کرابوون، سەرجەم بڕیار و ڕاسپاردەکانی ئەمڕۆی یەکێتی تۆپی پێی کوردستان بەمشێوەیە بوو
1_ یەکێتی تۆپی پێی کوردستان سوپاس و پێزانینی خۆی ئاراستەی بەڕێز ( ئومێد ئیبڕاهیم ) سەرۆکی دەستەی هاندەرانی یانەی ڕانیە دەکات لە پێناو هاندانی یانەکە بە شێوەیەکی شارستانی و کۆتنڕۆڵ کردنی هاندەران بە نیشاندانی نمونەیەکی جوانی وەرزشی لە کاتی یارییەکانیاندا.
2_ دانانی لێژنەی سەیرکردنی ڤیدیۆیی کە لەم بەڕێزانە پێکهاتووە:
( مامۆستا ئەرسەلان قادر ، دکتۆر عاتف عبدالخالق ، مامۆستا ڕزگار بایز ) .
3_ بانگهێشتکردنی کردنی بەڕێزان ( سەرۆکی یانەی قەڵادزێ ) و (محەمەد مبارک دکانۆ ) یاریزانی یانەی ڕانیە و ( سەگر ئەحمەد ) یاریزانی یانەی سۆران و (ئەحمەد ڕێبوار) گۆڵپارێزی یانەی هەولێر بۆ بارەگای یەکێتی تۆپی پێی کوردستان لە ڕۆژی شەممە 16-12-2023 کاتژمێر 11 بۆ بارەگای یەکێتی تۆپی پێی کوردستان .
4_ سەبارەت بە یاری نێوان یانەی خاک و یانەی سلێمانی لە خولی پلەیەکی کوردستان :
آ _ ئاگادار کردنەوەی یانەی خاک بە چاککردنی ژووری خۆ گۆڕینی تیپی میوان بەپێجەوانەوە سزا دەدرێن .
ب_ پێبژاردن بە بڕی 250 هەزار بۆ بەڕێز ( دابان ئیبراهیم ) ئەندامی دەستەی کارگێڕی یانەی خاک بەهۆی دەرچوونی لە گیانی وەرزشی بەدووبارەکردنەوەی سزاکەی توندتر دەبێت .
5- بۆ یانەکانی پلە یەک و پلە دوو ئەوانەی ئارازووی بەشداری جامی هەرێمی کوردستان دەکەن تا 15-12-2023 بەنووسراوی فەرمی لەڕێگای ئەم ئیمێڵەوە ئاگادارمان بکەنەوە ( [email protected] ) دوای ئەم بەروارە مافی بەشداری کردنیان نامێنێ .
6- خولی پلەی دووی کوردستان لە رۆژی شەممە 3-2-2024 دەسپێدەکات .
