یاریگا –
مه‌حمود مه‌جید ڕاهێنه‌ری یانه‌ی چوارقورنه مانه‌وه‌ی خۆی له یانه‌كه ڕاگه‌یاند.
دواى دۆرانیان به‌رامبه‌ر پێشمه‌رگه‌ی هه‌ولێر له خولی نایابی كوردستان، مه‌حمود مه‌جید ڕاهێنه‌ری چوارقوڕنه بڕیاریدا ده‌ست له ڕاهێنه‌رایه‌تیكردنی یانه‌كه بكێشێته‌وه.
هه‌كاری داود ئه‌ندامی ده‌سته‌ی كارگێری یانه‌ی چوارقوڕنه به تۆڕی وه‌رزشی یاریگای ڕایگه‌یاند، ده‌ست له‌كاركێشانه‌وه‌ی مه‌حمود مه‌جید به‌كۆی ده‌نگی ئه‌ندامانی ده‌سته‌ی كارگێری ڕه‌تكرایه‌وه، له‌گه‌ڵ یانه‌كه به‌رده‌وام ده‌بێت و ئه‌مرۆ ده‌ستی به كاره‌كانی كرده‌وه.
مه‌حمود مه‌جید ئه‌م وه‌رزه ئه‌ركی ڕاهێنه‌رایه‌تی یانه‌ی چوارقوڕنه‌ی له ئه‌ستۆ گرت، له كۆی هه‌شت یاری له‌گه‌ڵ یانه‌كه له سێ یاری براوه بووه، له دوو یاریش دۆراوه، له سێ یاریش یه‌كسان بووه.
پێشتریش ڕاهێنه‌رایه‌تی یانه‌كانی، برایه‌تی و پێشمه‌رگه‌ی سلێمانی و ئاكرێی كردووه.
