یاریگا
لەم وەرزەی پرێمەرلیگ چەند یانەیەک هەن کە زۆرترین خاڵیان بە ریمۆنتادا بەرامبەر رکابەرەکانیان بەدەستهێناوە، لەو ریزبەندیە یانەی لیڤەرپوول لە پلەی یەکەم دێت و زۆرترین خاڵی بەدەستهێناوە.
یەک شەممەی ئەم هەفتەیە بوو، کاتێک لیڤەرپوول لە یاریگای خۆی لە گەڕی چواردەی پرێمەرلیگ میوانداری فولهامی کرد، رێدز تاوەکو خولەکی 80 بە ئەنجامی 2-3 لە دواوەوە بوو، بەڵام لە کۆتا خولەکەکانی یارییەکە، دوو گۆڵیان کرد و دۆڕانیان بە بردنەوە گۆڕییەوە.
بە گشتی ئەم وەرزە لیڤەرپوول لە پێنج یاریی دۆڕانی گۆڕیوە بۆ بردنەوە یاخود بەرامبەربوون و لەو پێنج یارییەش 15 خاڵی بەدەستهێناوە و لە پلەی یەکەم دێت، لە پلەی دووەمیش یانەی تۆتێنهام دێت، ئەو یانەیەش 9 خاڵی بەدەستهێناوە، لەو کاتەی لە دواوە بن و ئەنجامەکەیان بۆ بردنەوە یاخود بەرامبەربوون گۆڕیوە.
یانەکانی ئاستۆن ڤیلا و چێڵسی و برایتن و وێستهام یونایتد و وۆلڤەرهامبتن و هەروەها مانچێستەر یونایتد و ئارسیناڵ و مانچێستەر سیتی، لە پلەکانی سێیەم و تاوەکو دەیەم دێن.
