دوای ئه‌وه‌ی شه‌وكه‌ت محه‌مه‌د له لایه‌ن تۆری وه‌رزشی یاریگا به باشترین یاریزانی گه‌ڕی حه‌فته‌می خولی نایابی كوردستان دیاریكرا، ئەو ناوەڕاستکارەی ئارارات دەڵێت: ‘بۆ من جێگای شانازییە لەلایەن تۆڕی وەرزشی یاریگاوە بە ئەستێرەی گەڕی حەفتەم دیاریکرام’.
شه‌وكه‌ت له باره‌ی ده‌ستنیشانكردنی وه‌ك باشترین یاریزانی ئه‌م گه‌ڕه بۆ تۆڕی وه‌رزشی یاریگا ده‌ڵێت :’زۆر سوپاسی تۆری وه‌رزشی یاریگا ده‌كه‌م ماندوونه‌ناسانه كار ده‌كه‌ن، شانازی ده‌كه‌م لەلایەن یاریگاوە وه‌ك باشترین یاریزانی گه‌ری ڕابردوو دیاریكرام’.
دەشڵێت:’راسته من دوو گۆڵی یارییه‌کەمانم بەرامبەر پێشمەرگەی هەولێر تۆماركرد، به‌ڵام ئه‌وه به ماندووبوون و یه‌ك ده‌ستی یاریزانه‌كان و ستافی راهێنەران و پاڵپشتی هانده‌ران بوو، ئێمه سه‌ره‌تایه‌كی خراپمان ده‌ستپێكرد، به‌ڵام ده‌مانه‌وێت بگه‌رێینه‌وه نێو ركابه‌ریه‌كه، هه‌وڵده‌ده‌ین له‌و ئاسته به‌رده‌وام بین’.
دوێنێ شەممە شه‌وكه‌ت محه‌مه‌د یاریزانی ئارارات له دێربی پیرمام دوو گۆڵی یانه‌كه‌ی به‌رامبه‌ر یانه‌ی پێشمه‌رگه‌ی هه‌ولێر تۆماركرد و دووه‌مین بردنەوەیان لەسەریەک به‌ده‌ستهێنا.
