مەیسن گرینوود هەنگاو بە هەنگاو دەگەڕێتەوە ئاستی راستەقینەیی و زەردەخەنەش بۆ لاوە ئینگلیزەکە گەڕاوەتەوە.
گرینوود ساڵێکی زۆر قورسی بەسەر برد پاش ئەوەی لە مانچێستەر یونایتد سڕکرا بەهۆی تۆمەتی دەستدرێژی بۆ سەر خۆشەویستەکەی پێشووی. هەرچەندە دادگا بێ تاوان لە قەڵەمیدا بەڵام یونایتد بڕیاریدا بە خواستن بیدات بە خیتافی ئیسپانی.
گرینوود کە بە کەمی قسە بۆ میدیاکان دەکات لەم هەفتەیەدا گۆڵێکی زۆر جوانی تۆمارکرد. بەگوێرەی ئەتلەتیک ئاگاداری دۆخی ئەو یاریزانەن و ئێستا دڵخۆشە لە ئیسپانیا.
سەرچاوەکە دەڵێت، جگە لە یانەکەی، سێ شتی دیکە وای کردووە ئەو یاریزانە دڵخۆش بێت لە ئیسپانیا، ئەوانیش خواردن، کەش و هەوای ئیسپانیا و هەروەها ماڵە ناوازەکەیەتی. مەیسن لە ئیسپانیا لەگەڵ خۆشەویستەکەی و کچەکەیان دەژین.
ناوبراو لەم ساڵدا بەشداری 10 یاری کردووە و تێیدا سێ گۆڵی هەیە و دووی دیکەشی دروستکردووە. چاوەڕواندەکرێت لە مانگی چوار دا یونایتد بڕیار بدات کە ئایا دەیگەڕێننەوە یانەکە یاخود بەیەکجاری دەیفرۆشن.
