یاریگا –
هەریەکە لە جود بێڵینگهام و دانی سێبایۆس بە تەنیا لەگەڵ راهێنەرانی جەستەیی ریال مەدرید مەشقیان کرد.
بێڵینگهامی تەمەن 20 ساڵان، بەهۆی پێکانەوە لە لیستی یاریزانانی هەڵبژاردەی ئینگلتەرا دوورخرایەوە. بڕیاربوو بەشداری لە یارییەکانی بەرامبەر ماڵتا و ماسێدۆنیای باکووری لە پاڵاوتنەکانی یۆرۆی 2024 بکات.
بێڵینگهام لە یاری بەرامبەر رایۆ ڤاییکانۆ لە لالیگا، شانی تووشی پێکان بووو. بەو هۆیەشەوە بەشداری لە یاری بەرامبەر براگا لە چامپیۆنزلیگ نەکرد و بۆ یاری بەرامبەر ڤالێنسیاش بانگهێشت نەکرا.
سێبایۆسیش بە تەنیا لەگەڵ راهێنەری جەستەیی مەشقەکانی کرد. پێشبینی دەکرێت هەردوو یاریزانەکە لە دوای تەواوبوونی پشووی یارییەکانی نێودەوڵەتی بگەڕێنەوە پێکهاتەی کارلۆ ئانچێلۆتی.
