لە ئارجێنتینا مێسییەکی دیکە بەڕێوەیە و مێردمنداڵێک کاتێک تەمەنی بچووکتر بوو لە دۆکیۆمێنتارییەک رۆڵی مێسی دەگێڕا، ئێستاش گەیشتووەتە هەڵبژاردەی ئارجێنتینا و لە مۆندیالی لاوان گۆڵێکی بۆ تانگۆ کرد.
ڤالێنتینۆ ئاکونا تەمەنی 17 ساڵە لە مۆندیالی ژێر 17 ساڵان لەگەڵ ئارجێنتینا گۆڵێکی تۆمارکرد، ئەو کوڕەی تانگۆ کە ئێستا لە ریزی نیوئۆڵد بۆیزی ئارجێنتینی یاریی دەکات، شوێنپێی لیۆی هەڵگرتووە و بە هەمان ستایلی ئەو یاریی دەکات.
ڤالێنتینۆ ئاکونا تاوەکو کۆتایی ساڵی 2025 گرێبەستی لەگەڵ یانەی نیوئۆڵد بۆیزی ئارجێنتینی هەیە، پێشتر لە ساڵی 2014 لەبەر ئەوەی رووخسار و شێوازی یاریکردنی لە مێسی دەچوو، لە دۆکیۆمێنتارییەکی مێسیدا رۆڵی جادووگەرە ئارجێنتینییەکەی بینیوە، کەچی ئێستاش لە یانە دڵخوازەکەی لیۆ یاریی دەکات و هاوشێوەی لیۆش لە هەڵبژاردەی لاوانی تانگۆ دەدرەوشێتەوە.
— Seguiratomiconcina1 (@Futbolvideos100) November 15, 2023
ڤالێنتینۆ ئاکونا لە ریزی لاوانی یانەی نیوئۆڵد بۆیزی ئارجێنتینی یاریی دەکات و لەگەڵ ئارجێنتینا لە دووەم یارییان لە مۆندیالی ژێر 17 ساڵان بە ئەنجامی 3-1 لە ژاپۆنیان بردەوە، کە ئاکونا لە یارییەکە سەرەکی بوو، گۆڵی دووەمی بۆ تانگۆ کرد.
