یاریگا –
یانەی بارسێلۆنا دوای ئەوەی میکێل کامپێس گوتەبێژی یانەکە سووکایەتی بە ڤینیسیۆس کرد، بێدەنگی شکاند.
لە میانەی یارییەکەی ریال مەدرید لە خولی یانە پاڵەوانانی ئەوروپا بەرامبەر براگا کە بە ئەنجامی 2-1 یارییەکە لە بەرژەوەندی ریال مەدرید کۆتایی پێهات، میکێل کامپێس گوتەبێژی یانەی بارسێلۆنا لە تویتێکدا سوکایەتی بە ڤینیسیۆس جونیۆر کرد دوای بینینی جوڵە تەکنیکیەکانی و دریبڵەکانی و گوتی “ئەو “شایەنی ئەوەیە زلەیەکی لێبدرێت بەهۆی ئەوەی رۆڵی گاڵتەجار دەگێرێت.
راستەوخۆ دوای ئەم تویتە، شەپۆلێک لە رەخنە و ناڕەزایەتی هەوادارانی ڤینیسیوس ئاراستەی کامپس کرا، هەربۆیە ناچار بوو زوو تویتەکەی بسڕێتەوە.
یانەی ریال مەدریدیش سەبارەت بەم کارە کاردانەوەی هەبوو و تووڕە بوو تا ئەو رادەیەی کە فلۆرێنتینۆ پێرێزی سەرۆکی یانەکە بڕیاریدا بەشداری یاری داهاتووی ئیل کلاسیکۆ لە یاریگای بارسێلۆنا نەکات بە هۆی ئەوەیکە یانەکە بە فەرمی کاردانەوەیەکیان بەرامبەر کامپس نەبووە و داوای لێبوردنیان نەکردووە.
یانەى بارسێلۆناش دوێنێ چوارشەممە هیچ لێدوانێکى لەسەر سوکایەتییەکەی کامپێس نەدا، بەڵام ئێستا رافا یۆستى جێگرى سەرۆکى یانەکە کاردانەوەى بەرامبەر ئەم رووداوە هەبوو لەمبارەیەوە گوتی:
ئەمە جێگای قبوڵ نییە و شەرمەزارییە. ئەگەر هەڵەیەکیش بووبێت، ناتوانرێت پاساوی بۆ بهێنرێتەوە. ئەمە تویتێکی شەرمەزارکەر بووە. ڤینی، ئەگەر گوێم لێبگریت، بەڵێن دەدەم شتێکی لەم شێوەیە دووبارە نابێتەوە.
Barcelona Vice President Rafa Yuste apologizes to Vinicius Jr for Mikel Camps tweet about him:
“Even if the tweet was a mistake, it shouldn’t have been done. It’s an unfortunate tweet. If you’re listening to me Vini, it will never happen again.” pic.twitter.com/rt38OD2a0q
— LaLigaExtra (@LaLigaExtra) October 25, 2023
یۆستى لەم چاوپێکەوتنەدا هیچی لەبارەی کامپس و ئەگەری مامەڵەکردن لەگەڵیدا نەکرد. لە هەمان کاتدا زۆرێک داوای مامەڵەی جددییان لەگەڵ ئەم وتگوتەبێژەدا کردووە. پێویستە بزانرێت کاردانەوەی فەرمی یانە کەتەلۆنیەکە بەرامبەر بەم بابەتە چۆنە.
