یاریگا –
کریستیانۆ رۆناڵدۆ خەڵاتێکی بەنرخی پێشکەشی فرانسیس ئێنگانۆو، بۆکسێنەری بەناوبانگ کرد.
بڕیارە 28ی ئەم مانگە، یارییەکی گەورەی مشتەکۆڵە لە ریاز، پایتەختی سعودیە لە نێوان ئێنگانۆو و تایسن فوری، بۆکسێنەری بەریتانی بەڕێوەدەچێت.
بەر لە یارییەکە، رۆناڵدۆ کاتژمێرێکی (جەیکوب & کۆ – Jacob & Co.) کە بەهاکەی دەگاتە 110 هەزار پاوەند، بە دیاری بەخشییە ئێنگانۆو.
ئێنگانۆو لە ئینستاگرام نووسیویەتی
کاتژمێرە نوێیەکەم بەر لە شەڕی داهاتووم لە ریاز وەرگرت. سوپاسی @Jacobandoco و کریستیانۆی برام دەکەم.
View this post on Instagram
رۆناڵدۆ زۆر بە هونەرە جەنگییەکان سەرسامە و پێشتر لە دۆکیومێنتارییەکی تۆڕی هەواڵی DAZN دانی بەو راستییە ناوە.
ئەم ئێوارەیە لە قۆناخی کۆمەڵەکانی چامپیۆنزلیگی ئاسیا، نەسڕ رووبەڕووی دوحەیل دەبێتەوە. یانە سعودییەکە پێشەنگایەتی گرتووە و لە کۆی دوو یاریدا، دوو بردنەوەی هەیە.
