یاریگا –
لە 64-مین وەشانی جامی کاراباودا، یانەکانی لیڤەرپوول، ئارسیناڵ، مانچێستەر یونایتد و چێڵسی بەبێ مانچێستەر سیتی گەیشتنە قۆناخی چوارەم.
مانچێستەر سیتی بەرامبەر نیوکاسڵ یونایتد دۆڕا و خەونی بردنەوەی چوار نازناوی لە وەرزێکدا لەدەستدا.
مانچێستەر یونایتدی هەڵگری نازناوی وەرزی رابردووی جامەکە، لە قۆناخی سێیەمدا لە کریستال پاڵاسی بردەوە و لە قۆناخی داهاتوودا رووبەڕووی نیوکاسڵ یونایتد دەبێتەوە.
ساڵانە 92 یانە بەشداری لە یارییەکانی جامی کاراباودا دەکەن و ئێستا تەنیا 16 یانە لە پاڵەوانیەتییەکەدا ماون.
تیروپشکی قۆناخی چوارەمی جامی کاراباو
| رێکەوت | یاری |
|---|---|
| 30-10-2023 | مانسفیڵد VS پۆرت ڤالێ |
| 30-10-2023 | ئایپسویچ VS فولهام |
| 30-10-2023 | مانچێستەر یونایتد VS نیوکاسڵ یونایتد |
| 30-10-2023 | بۆرنمس VS لیڤەرپوول |
| 30-10-2023 | چێڵسی VS بلاکبێرن |
| 30-10-2023 | وێستهام VS ئارسیناڵ |
| 30-10-2023 | ئێڤێرتن VS بێرنلی |
| 30-10-2023 | ئێکستەر VS میدلزبڕۆ |
چۆن سەیری یارییەکان بکەم؟
تۆڕی هەواڵی سکای سپۆرتس مافی گواستنەوەی تەواوی یارییەکانی جامی کاراباوی لە بەریتانیا کڕیوەتەوە، دەکرێت لە رێگەی ئەپلیکەیشنی سکای گۆ، بە ئۆنڵاین سەیری یارییەکان بکرێت.
لە هەرێمی کوردستان، کەناڵەکانی بی ئین سپۆرتس یارییەکان دەگوازێتەوە و لەڕێگەی ماڵپەڕی تۆڕی وەرزشی یاریگا، دەتوانیت سەیری یارییەکان بکەیت.
تۆڕی هەواڵی ESPN لە ویلایەتە یەکگرتووەکانی ئەمریکا، تەواوی یارییەکانی جامی کاراباو دەگوازێتەوە.
کەی یاری کۆتایی جامی کاراباو دەکرێت؟
| یاری | کۆتایی جامی کاراباوی 2024 |
| رێکەوت | 25ی فێبرایەری 2024 |
| یاریگا | وێمبڵی، لەندەن |
| کەناڵ و ستریم | Bein Sports و تۆڕی وەرزشی یاریگا |
جامی کاراباو، یەکەم نازناوی فەرمییە لە بەریتانیا و لە ناوەڕاستی وەرز، پاڵەوان دەستنیشان دەکرێت.
