بۆچی پڕۆسەی گواستنەوەی جواو کانسێلۆ بۆ بارسێلۆنا وەستاوە؟

یاریگا –

بارسێلۆنا چەند هەنگاوێک لە گواستنەوەی جواو کانسێلۆ نزیکە،

فابریزیۆ رۆمانۆ، رۆژنامەنووسی دیاری مێرکاتۆی یاریزانان روونیکردووەتەوە، مانچێستەر سیتی و بارسێلۆنا لەسەر گواستنەوەی کانسێلۆ رێککەوتوون، بەڵام یانە کاتالۆنییەکە چاوەڕێی رووناکی سەوزی لالیگایە، تاوەکو دڵنیا ببنەوە، رێساکانی یاری خاوێنیان پێشێل نەکردووە.

João Cancelo will join Barcelona in the final days of the transfer window. Told again that all parties don’t feel deal is in doubt or danger. 🔵🔴🇵🇹 #FCB

…still waiting for green light as Financial Fair Play approval but deal in place to be sealed soon. João, patiently waiting. pic.twitter.com/pdo4YoBthc

— Fabrizio Romano (@FabrizioRomano) August 25, 2023

هەردوو یانەکە کێشەیان لەسەر گواستنەوەکە نەماوە و هیچ مەترسییەکە لەسەر هەڵوەشانەوەی نییە، هەرکاتێک لالیگا رەزامەندی دەربڕی، راستەوخۆ گرێبەستەکە واژۆ دەکرێت.

بە گوێرەی زانیارییەکان، بارسێلۆنا بە خواستن و بۆ ماوەی یەک وەرز، گرێبەست لەگەڵ کانسێلۆ واژۆ دەکات و دواتر بژاردەی گۆڕینی گرێبەستەکە بۆ هەمیشەیی هەیە و دەتوانن لە هاوینی داهاتوودا، واژۆی بکەن.

تاوەکو ئێستا کانسێلۆ بەشداری لە هیچ یارییەکی پرێمەرلیگی ئەم وەرزەدا نەکردووە، نیوەی وەرزی رابردووشی لەگەڵ بایرن میونش بەسەر برد.