
بڕیارە شاندی یانەی شوڕتەی عێڕاقی سبەی یەکشەممە 23/7/2023 بگاتە وڵاتی سعودیە.
یانەی شوڕتە کە پاڵەوانی خولی نایابی عێڕاق بوو، سبەی بە 25 یاریزانەوە گەشتی وڵاتی سعودیە دەکەن بە مەبەستی بەشداریکردن لە پاڵەوانیەتی شا سەلمان بۆ یانە پاڵەوانەکانی عەرەبی، شوڕتە سێ یاری ئەنجامدەدات لەم پاڵەوانێتیە و یاری یەکەم لە 27ـی ئەم مانگە دەبێت بەرامبەر سەفاقسی تونسی و یاری دووەمیش لە 30ـی ئەم مانگە دەبێت بەرامبەر یانەی تەڕەجی تونسی، لە یاری سێیەمیشدا ڕووبەڕووی یانە تازەکەی کەریم بنزیما دەبنەوە کە یانەی ئیتحادی سعودیە لە ڕۆژی 2ـی مانگی داهاتوو، سەرجەم یاریەکانیش کاتژمێر 6ـی ئێوارە بەڕێوە دەچن لە یاریگای شافەهد لە وڵاتی سعودیە.
بۆ ئەم پاڵەوانێتیە سێ یاریزانی کورد لەگەڵ یانەی شوڕتە بەشدار دەبن کە بریتین لە ( یاسین کەریمی گۆڵپارێز و ئاسۆڕۆستەم و ئەحمەدزیڕۆ کە خەڵکی شاری دهۆکە)
تەواوی پێکهاتەی یانەی شوڕتە بە ڕاهێنەرایەتی ئەحمەدسەڵاح بۆ ئەم پاڵەوانێتیە:
گۆڵپارێزان : ئەحمەدباسل ، یاسین کەریم ، مەحەمەدکەریم.
هێلی بەرگری : فەیسەڵ جاسم ، مەناف یونس ، کەڕاڕعامڕ ، ئەحمەدزیڕۆ ، ئەحمەدیەحیا ، ئەمیرسەباح.
هێلی ناوەڕاست : عەبدولمەجیدبوبەکر ، ئیدریسانیانگ ، فەهدیوسف ، مەحەمەد مزهر ، عەلی حوسنی ، سەجادجاسم ، عەمارغالب ، عەبدولڕەزاق قاسم ، ناسرمەحەمەدو ، بسام شاکر.
هێلی هێرشبەر : عەلاعەبدولزەهڕا ، مەحمودمەواس ، ئاسۆڕۆستەم ، مەحەمەدداود ، ئەحمەدفەرحان ، لۆکاس سانتۆس.