یەکێتی تۆپی پێی کوردستان دوای ماوەیەکی زۆر کاتی دەسپێکی خولی لاوانی ( ژێر20)ساڵی دیاریکرد.
بە بەشداری 21 یانە لە سەر ئاستی کوردستان کە دابەش کراون بە سەر چوار گڕوپ، 21ـی ئەم مانگە خولەکە دەستپێدەکات، شێوازی بەڕێوەچوون و ناوی یانەکان و ڕێنمایی خولەکە بەمشێوەیە:
یانەکانی بەشداربووی خولی لاوانی کوردستان ( ژێر 20 ساڵان ) و رێنمایەکانی خولەکە
وەرزی 2022- 2023
( پێشمەرگەی هەولێر ، هەندرێن
رەواندز ، قەرەداغ
پێرس ، شۆرجە
بازیان ، ئاشتی
سیروانی هەڵەبجە ، کۆیە
قەڵادزێ ، هەڵەبجەی شەهید
شێروانە ، خەڵاتی پێنجوێن
سیروانی نوێ ، دەربەندیخان
پێشمەرگەی سلێمانی ، بەردەڕەش
لاوانی شنگال ، خاک
ئاڕاڕات )
ڕێنمایەكانی خولەکە
1 – لەدایك بووی 2004 – 2005 مافی یاریكردنی هەیە لە خولەكە .
2 – خولەكە بەشێوازی چوار گروپ بەڕێوە دەچێت .
3- یەکەم و دووەم و سێیەمی ریزبەندی هەرگروپێک بۆ وەرزی 2023-2024 لە خولی لاوانی نایابی کوردستان یاری دەکەن .
4- یەکەم دووەمی هەر گروپێک سەردەکەوون بۆ قۆناغی دووەم . گروپ A( گروپی یەکەم و دووەم ) لە خۆدەگرێت و گروپی B ( گروپی سێیەم و چوارەم لەخۆ دەگرێت)٫ لەگەل یەکتر یاری دەکەن بە شێوازی دۆڕاوی جووت . یەکەم ودووەم هەرگروپێک سەردەکەوون بۆ چوارگۆشەی زێڕین . لە چوارگۆشەی زێڕین یەکەمی گروپی A لەگەل دووەمی گروپی B و یەکەمی گروپی B لەگەل دووەمی گروپی A یاری دەکەن و براوەیان سەردەکەوێت بۆ یاری کۆتایی .
5 – ناردنی كارتی نیشتمانی یان پاسپۆڕتی ( ئەسڵی) لەكاتی وەرگرتنەوەی باجی یاریزانان .
6 – هەر یاریزانێك تەمەنی خۆی چاكردبێتەوە بەبڕیاری دادوەر بۆی نی یە بەشداری بكات لە خولەكە , بە پێچەوانەوە تیپەكەی بەدۆڕاو دادەنرێت . ( 3 ــ 0 ) گۆل ( ئەگەر ئەنجامەكە لەوە زیاتر بێت وەك خۆی دەمێنێتەوە ) .
7 – رێگەدان بەهێنانی یەك یاریزان لە دەرەوەی هەرێم بۆ یاریكردن لە خولەكە بەمەرجێك دانشتووی شارەكە بێت , قوتابی بێت یان رەزامەندی نشینگەی ئەم شارەی هەبێت .
8 – ژمارەی یاریزانان ( 25 ) یاریزانە تا كۆتایی خول .
9 – هیچ یاریزانێك ناتوانێ بەشداری یاری بكات ئەگەر باجی پێ نەبێت .
10 – یاریزان دەبێت بەهەمان ژمارە یاری بكات كە لە كشوفات بۆی دیاری کراوە بە پێچەوانەوە تیپەكە بە دۆراو دادەنرێت بە ئەنجامی ( 3 – 0) .
11 – دەبێت لە كشوفات رەنگی درێس دیاری بكرێت .
12 – ناردنی ناوی دەستەی راهێنەران لەگەل كۆپی بڕوانامەیان.
13 – مەرجە راهێنەرانی تیپ بڕوانامەی ( یەكێتی تۆپی پێی كوردستان – D – C – B – A ئاسیەوی) هەبێت.
14 – مەرجە لۆگۆی ( یەكێتی تۆپی پێی كوردستان) لەسەر درێسەكان هەبێت بە پێچەوانەوە ئەو یاریزانە مافی بەشداریكردنی لەیارییەكە نابێت و ئەگەر تیپەكە لەسەر درێس لۆگوی نەبێت یارییەكە ئەنجام نادرێ و تیپەكە بە دۆڕاو هەژمار دەكرێت بە ئەنجامی ( 3 – 0 ) .
15 – لەسەر یانەی خاوەن یاریگایە ئۆتومبێلی ئەمبوڵانس و پیاوانی پۆلیس ئامادە بكات ، بە پێچەوانەوە سزا دەدرێت بە بڕی ( 500 هەزار دینار) .
16 – یاریگاكان مەرجە تێل بەندو هەموو پێداویستیە سەركیەکانی تێدا بیت .
17 – لەكاتی پەڵپ گرتن لەلایەن هەردوو یانەوە ئەنجامی یارییەكە بۆ هیچ لایەک هەژمار ناكرێ .
18 – هەر یانەیەك پەڵپی گرت ناتوانێ لە پەڵپگرتنەكەی پاشەگەز بێتەوە .
19 – هەریانەیەك پاشەکشەبکات لە خولەكە ، بۆ وەرزی 2023 – 2024 مافی بەشدار بوونی نی یە و بە بڕی ( 3 ملیون دینار) سزادەدرێت .
20 – هەموو ئەو سزا و بڕیارانەی لە پەڕاوی یەكێتی تۆپی پێی كوردستان لە وەرزی 2022 – 2023 ئاماژەی پێ كرواە پەیڕەو دەكرێت وە یەکێتی تۆپی پێی کوردستان دەسەڵاتی تەواوی هەیە لەهەر بڕیارێک کەپێی گونجاوە بیدات .
21 – پاپەندبوون بە رێنمایەكانی پەڕاوی 2022 -2023 یەكێتی تۆپی پێی كوردستان .
22 – دوای كۆتایی هاتنی بەرواری وەرگرتنی كشوفات هیچ یاریزانێك مافی زیادكردنی نیە لە کشوفات .
23 – لەكاتی ( ساختەکردن) لە تەمەنی یاریزان لەلایەن ڕاهێنەر یان یاریزان كەیسەكەی رەوانەی دادگا دەكرێت ، هەر فى لێی بەرپرس نی یە .
24 – لەكاتی ( ساختەکردن) لە تەمەنی یاریزان و دوای پەڵپ گرتن لەلایەن تیپی بەرامبەر ، یاریزان و راهێنەر بۆ ماوەی 3 ساڵ لە چالاكیەكانی یەكێتی تۆپی پێی كوردستان دوور دەخرێنەوە و سزا دەدرێن بەبڕی ( 3 ) ملیون دینار .
25 – سەرپەرشتیاری یاری بەرپرسە لە پشكنینی باجی یاریزانان .
26 – بەڵێن نامە لە لایەن یانەكەوە كە بەهیچ جۆریك پاشەکشە نەكات لا دەسەپێت لەلایەن یەكێتی تۆپی پێی كوردستانەوە .
