یاریگا
رۆمێلو لوکاکو هێرشبەری بەلجیکی یانەی چێڵسی ئینگڵتەرا ئامادەنیە پەیوەندی بە خولی سعودیە بکات.
ماوەیەکە یانەی هیلالی سعودی هەوڵی رازیکردنی رۆمێلو لوکاکو هێرشبەری بەلجیکی یانەی چێڵسی ئینگڵتەرا دەدات، بەڵام ئەو یاریزانە رەتیدەکاتەوە ئەوروپا جێبێڵێت.
فابریزیۆ رۆمانۆ رۆژنامەنوسی ئیتاڵی کەمێک پێش ئێستا بڵاویکردەوە، هێرشبەرەکەی بلوز سورە لەسەر مانەوەی لە ئەوروپا و هەموو ئامانجی بەردەوامبوونە لەو کیشوەرە.
رۆمانۆ بڵاویشی کردەوە لوکاکو تاوەکو ئێستا هیچ گفتوگۆیەکی لەگەڵ یانەی هیلالی سعودی بۆ پەیوەندی کردن بەو یانەیە نەکردووە.
لە بەشێکی دیکەی زانیاریەکانی فابریزیۆ رۆمانۆ باسی لەوەشکردووە، ئینتەر میلان دەیەوێت ئۆفەرێکی دیکە بۆ گواستنەوەی هەمیشەیی ئەو یاریزانە پێشکەش بکات.
