بە فەرمی دی ڤرای گرێبەستەکەی نوێکردەوە
یاریگا –
بەشێوەیەکی فەرمی ستیفن دی ڤرای گرێبەستەکەی لەگەڵ یانەی ئینتەر میلانی ئیتاڵی نوێکردەوە.
کەمێک لەمەوبەر پێگەی فەرمی ئینتەر میلان بڵاویکردەوە، بە شێوەیەکی فەرمی گرێبەستی بەرگریکاری تیپەکەیان ستیفن دی ڤراییان تا ساڵی 2025 نوێکردووەتەوە.
L'avventura insieme continua 🖤💙#ForzaInter #DeVrij2025
— Inter (@Inter) July 8, 2023
بەرگریکارە هۆڵەندییەکە لەم هاوینە گرێبەستەکەی لەگەڵ ئینتەر کۆتایی هات، بەڵام یانەکە دەستەبەرداری نەبوو، بۆ دوو وەرزی دیکە گرێبەستەکەی درێژکرایەوە.
هەر ئەمڕۆ ناوبراو گرتە ڤیدیۆیەکی بڵاویکردەوە و لەبارەیەوە گوتی “سڵاو هاندەرانی ئینتەر، دڵخۆشم بە نوێکردنەوەی گرێبەستەکەم لە سان سیرۆ دەتانبینمەوە”
#InterFans ascoltate cos'ha da dirvi De Vrij 🗣️⚫🔵#ForzaInter #DeVrij2025 pic.twitter.com/cwJCe6hL8X
— Inter (@Inter) July 8, 2023
دی ڤرای بە درێسی ئینتەر میلان 203 یاری کردووە، خاوەنی 9 گۆڵ و 7 ئەسیستیشە بۆ یانەکەی، نازناوێکی سێریا ئەی و دوو نازناوی جامی ئیتاڵیا و جامی سوپەری ئیتاڵیاشی بە درێسی ئینتەر بەرزکردووەتەوە.
