کۆلیبالی نزیکە لە پەیوەندی کردن بە ریزەکانی هیلال

یاریگا

خالیدۆ کۆلیبالی بەرگریکاری سەنیگالی یانەی چێڵسی ئینگلیزی نزیکە لە پەیوەندی کردن بە ریزەکانی یانەی هیلالی سعودیە.

فابریزیۆ رۆمانۆ رۆژنامەنوسی ئیتاڵی بڵاویکردەوە، بەرگریکارەکەی بلوز رازی بووە ریزەکانی یانەکەی جێبێڵێت و پەیوەندی بە یانە سعودیەکە بکات، بۆ ئەم مەبەستەش بەرپرسانی سعودی رێکەوتنی سەرەیاییان لەگەڵ بلوز کردووە.

رۆمانۆ ئاماژەی بەوەشکردووە خودی کۆلیبالی لەگەڵ بەرپرسانی سعودیە گەیشتووەتە رێکەوتنی سەرەتایی و بڕیارە ئەو یاریزانە بۆ ماوەی سێ وەرزی پەیوەندی بەو یانەیە بکات. بەڵام هیچ ئاماژەیەک و زانیاریەک لەسەر تێچووی گواستنەوە نیە.

کۆلیبالی ساڵی 2022 پەیوەندی بە چێڵسی کردووە و تاوەکو ساڵی 2026 گرێبەستی لەگەڵ ئەو یانەیە هەیە، ئەو یاریزانە دەبێتە دووەم ئەستێرە دوای رۆبێن نێڤێزی پۆرتوگالی پەیوەندی بە ریزەکانی یانەی هیلالی سعودیەوە بکات.