یاریگا –
جود بێڵینگهام، ئەستێرەی بۆڕووسیا دۆرتموند خەڵاتی باشترین یاریزانی ئەم وەرزەی بۆندسلیگای بەدەستهێنا.
بۆڕووسیا دۆرتموند زۆر نزیک بوو لە بەدەستهێنانی نازناوی ئەم وەرزەی بۆندسلیگا، دوای ئەوەی لە یاری کۆتاییدا بە ئەنجامی 2-2 بە یانەی ماینز یەکسانبوو، بایرن میونشنیش لە دوا یاری خولەکەدا، بە ئەنجامی 2-1 لە کۆڵنی بردەوە. بێڵینگهام ئاستێکی بەرزی لەم وەرزەدا لەگەڵ زەردەواڵەکان پێشکەش کرد و خەڵاتی باشترین یاریزانی خولەکەی پێدرا.
The 2022/23 Bundesliga Player of the Season, @BellinghamJude!
#Bundesliga | #POTS pic.twitter.com/X0RdlnyCTz
— Bundesliga English (@Bundesliga_EN) May 29, 2023
یاریزانی نێودەوڵەتی ئینگلیزی لە وەرزەی بۆندسلیگا 14 گۆڵی لە 42 یاری سەرجەم پاڵەوانیەتییەکان کردووە و 7 ئەسیستیشی هەبووە. ئێستا ناوی بە توندی بە پەیوەندیکردن بە ریال مەدرید بەستراوەتەوە و دوێنێ یەکشەممە، جووتێک لاپچینی بە واژۆی خۆیەوە و بە نووسینی ”سوپاستان دەکەم” وەک دیاری بەخشیە تەواوی ئەندامانی یانە ئەڵمانییەکە.
پێشبینی دەکرێت لە چەند رۆژی داهاتوودا، بێڵینگهام بە بڕی 108 ملیۆن پاوەند پەیوەندی بە ریال مەدریدەوە بکات.
